確認書:港獨之父的如意算盤|柏斯迪

20160724 柏斯迪

 

我有一個朋友,看了梁天琦就選舉主任電郵查詢其政治立場一事召開的記者會,及後對話展開……

 

新聞報導:選舉主任引報道 fb 逼交代港獨主張 梁天琦:唔敢再答政治立場

 

「梁天琦:我 facebook 都有 share《熱愛基本法》首歌啦,咁點解佢又唔 quote?」

 

「咦!我都有 upload 熱愛基本法架!」

 

「有聲架!大眾擁戴《基本法》,以它管和治~令到香港緊靠祖國,營造新的機遇~」

 

「有網民留言:不如造勢大會唱《熱愛基本法》?」

 

「點解可以咁,突然搬龍門?我好少可咁想投票,梁天琦無得選,我會好困擾……選民係時候團結起來,我地可以做咩?」

 

「不如一人一信問下新界東地方選區選舉主任何麗嫦點解可以咁處理啦,佢聯絡方法如下喎!」

 

電郵:Ro_nteast@had.gov.hk
傳真:2695 4305

 

選管會向梁天琦發出的電郵截圖
選管會向梁天琦發出的電郵截圖

 

「無問題,投訴信我最鍾意寫,況且我是新東選民,提咗名比梁天琦架。明明個候選人夠數,點解唔比佢選?其實係剝奪埋選民選擇,我理得你確認信吖?我提得佢名,而佢夠數,咁我作為選民,就預咗九月名單中有得揀佢,你理得我到時係唔係投佢啦,咁呢個選項,係作為選民嘅我,應得嫁嘛。」

 

「其實政府好搞笑,本土派參得選,肯玩你套遊戲規則,你有自信的咪比佢玩囉,大佬你主場,如此膽量都冇,懦夫感嘆號!!!!!!!」

 

「現在政府做法,唔係嚇怕本土啊,係令港人心寒,點解咁快就會有不能說出口的兩個字?乜乜(翻譯:柏斯迪指港獨),佛地魔咁喎。大佬 2047 老奉唔駛傾架?」

 

「基本法俾你選擇性解讀架?咁點解無普選啊?你咁樣做咪蠢囉,連本身唔多關心政治的人,都覺得你玩曬啦咁款,從來愈打壓,愈將社會推向革命。」

 

「當然,出年特首選舉啦,再從陰謀論角度思考,香港亂,邊個最有利啊?港獨之父的如意算盤:亂所以要強硬?你懂的。但我只想說,如果爺爺仍想香港生金,不想亂,問題不在本土反對派,聰明政客代理人是不會將事情愈搞愈亂。不,應該說,現在的情景咪似《瑯琊榜》啦,滿朝文武文不思政,武不思戰,滿朝上下,只懂揣測上意,結果受累的,只是百姓,而國力日減……」

 

「讓香港做到高度自治,已創下了英名~咁做不到點算?不是英名?是中名?唔怪之得啦。其實中央應該好憎基本法,基本法創下英名,唔係創中名。國是哪國?好重要架,好好笑啊!一齊唱,一齊唱,一齊唱。」

 

「傷感講句,其實啊,成件事幾咁悲涼,2047 時,我們這一代人,差唔多五十歲,如果未死得都壯年末段,其實談 2047 後的問題,主要是為下一代,但我們這一代人,又有幾多個人敢有下一代/有能力有下一代?」

 

識唱的一齊唱:

 

更多資訊,請留意蔓珠 FB 專頁

 

留言

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s