帶住茅廁去旅行:五大澳洲伏食,你試過幾多樣?|Mr. Roo

20160515 vegemite

 

(放心,內文無連詩雅)

 

老老竇竇,呢個世界有四川菜、上海菜、印度菜、日本菜、法國菜,你有無聽過有澳洲菜?係有嘅,但係好少有人提,而其中,有好多澳洲野食(不論係餐廳定係包裝食品)都係極端難食嘅(咁當然啦,成個國家咁大梗係有好食嘅),而家講住幾樣先。

 

澳洲越式壽司?)

 

賣相方面:我見過,我真係見過。你無睇錯,呢度有好多所謂嘅壽司,一不是日本人整,二亦不是壽司師傅整嘅;三,單望個樣,你可能會以為佢係日本食店門口果的蠟造模型,或者文具舖果的擦子膠。

 

個樣新鮮就一定唔係喇,死就死咗一半,嗰的所謂三文魚壽司,個顏色就同褪咗色嘅迪迪尼 Nemo 差唔多,有為數不少既壽司舖仲有越南春卷同炒麵賣添(又喂?!)。 有的可以望到入個廚房入面嘅舖頭,整壽司嗰個人,塊面就黑到唔知係因為佢屋企人岩岩過咗身吖定因為死極都死唔去咁嘅樣。 綜合以上一切,你覺得佢地對整壽司嘅專業程度同熱誠可以去到邊呢?

 

味道方面:咁嘅樣,你試啦。

 

燒雞入面嗰啲 Stuffing

 

味道方面:類似被水沖散咗啲泥膠咁

口感方面:類似被水沖散咗啲泥膠咁

賣相方面:類似被人打咗一鑊的泥膠咁樣

 

Vegemite……好難食但我地將會熱烈開賣就睇你邊個膽買!)

 

Vegemite

 

賣相方面:佢係啡色類似朱古力醬咁既,而喺超市擺位方面,亦都係擺喺早餐搽麵包 jam 呀、朱古力呀、榛子醬咁附近嘅,中文譯名叫佢做「菜蜜」。Vegemite 菜蜜同茶餐廳熱飲菜蜜嘅關係,就好似唱歌個李樂詩同極地個李樂詩既關係咁。就係咁就中晒伏喇,因為佢擺呢個早餐醬位,正常人係會預期佢係搽麵包,甜甜地、正正常常、點都唔會太難食咁嘅。點知佢就連呢三個咁低嘅要求都達唔到,係一項都達唔到。

 

來過澳洲嘅朋友,不論係好奇自願定係被伏都應該無一未食過。

 

味道方面:你說你感到萬分沮喪,甚至開始懷疑人生

令佢變好食的方法:醃雞翼/炒餸(講真)

 

吉百利 Vegemite 朱古力

 

Vegemite-Chocolate

 

賣相方面:正常吉百利朱古力樣

味道方面:幻覺來架遮,你嚇我唔到嘅。

令佢變好食的方法:完全無。

 

澳洲難食之五求其麵包店的 kidney

 

Beef-SteakKidney2

 

賣相方面:唔知大家有無食過本地 bakery 的肉批,是鹹的, 香港一啲西式 café 都有(好似有些沙北劇飛都有得賣)通常是牛肉、蘑菇、洋葱芝士火腿之間的配搭,整得好的話係可以好好食的,不過亦有好多同所謂既壽司舖一樣根本完全無心做食物嘅舖頭,求求其其將的材料(或者其實無材料囉)撩埋一疊就隊出個廚窗,其中一樣非常容易整得難食嘅野就係 kidney pie……Hea 整 + 內臟,從來都不是一場有結果的戀愛。

味道 & 口感方面:kidney 本身已經係一種粉粉地既內藏,即係已經好難食架啦,有啲(好多)舖頭會為咗賺錢,放好少餡入個批,純粹將啲 gravy 溝到好杰來充撐,粉粉地嘅內臟加埋杰過膠水嘅 gravy 擁抱著我形成漩渦,入口個感覺簡直好似食屎一樣(利申:無真係食過)

 

以上幾樣,最難食邊樣?

一定係 Vegemite。

 

仲有咩伏食你食過我未數?自己上來 LM,有圖仲好。

 

文章原載於 Mr. Roo FB 專頁

 

留言

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s