在印度遇上的他:日本大叔篇|一路走來

20160410 印度列城

 

在印度列城第一站我遇上了日本大叔。我叫日本大叔做 Momo San,他的名字其實不這樣,不過這樣易記一點嘛。大叔表示無所謂呀!至於怎樣認識,只能說就是緣份吧。

 

Momo San 大叔原本跟我一樣是在德里坐同一班飛機去列城的。其實我對他沒有太大印象,反正就是覺得很多日本人喜歡到印度吧。下了飛機,在機場填寫入境表之後就想找 Pre-paid Taxi去 Guest House。怎料貼心的 Guest House 已預備司機在機場外舉牌接機,當下實在感動,因為事前沒有說好接機的。放好行李上車之後司機說等一會兒,隨後有個男人跟住司機上車,那個男人就是日本大叔 Momo San 了。

 

大叔上車後第一句問我是不是韓國人,我說我是香港人。而大叔的樣子一看就知道是日本人了。於是大家在談行程計劃時才知道大家都是住同一間 Guest House,並且一樣住 7 晚。天啊,太巧合了吧!

 

於是大家安頓好行李,跟 Guest House 的姨姨一同計劃一下行程。姨姨說第一天要休息讓身體適應高山,所以第一天不可以走路,要坐車出入。不過要先睡覺才可以外出。我們是早機,到 Guest House 是早上 8 點多,於是跟大叔約定下午 2 點再出動,到附近的藏廟參觀再到市集,然後一同吃意大利餐。

 

到了兩點大家準時在大廳集合,坐車上了第一個藏廟,由於列城位處 3500 米左右的高山,我已經有高山反應,幸好因為之前上神山時,知道自己會有高山反應,所以已經配定 Diamox。

 

大叔在藏廟時表現非常英雄,他說自己年紀雖然比我大很多,但是仍然很強壯呀,只是有一點頭痛及腳痺,無特別有高山反應。相反我,就成個病壞咁,行步路都喘哂氣,又頭痛又腳痺,總之就臉如土色……不過我自己知自己事,行神山時上到 3000 米左右已經病發,所以我知道今次我一定會有高山反應……

 

編按:列城位於印度查謨-喀什米爾邦(因印巴領土爭議,也被稱之「印控喀什米爾」),地理上處於喜馬利亞山脈。
編按:列城位於印度查謨-喀什米爾邦(因印巴領土爭議,也被稱之「印控喀什米爾」),地理上處於喜馬利亞山脈。

 

大叔一直表現都非常活躍,仲笑我後生女體能差要鍛鍊下等等 sosad。入夜之後列城已經超凍,得幾度,加上高山反應都唔係好舒服,所以同大叔講依家都差不多六點,不如去食飯。本來以為大叔方向感比我好,剛才司機在離開前曾經教我們怎樣行去意大利餐廳,Guest House 姨姨又畫咗地圖俾我,點知大叔原來同我一樣無方向感,15 分鐘嘅路我地行咗 50 分鐘都未見。我已經覺得自己好似就快進入垂死邊緣……

 

最後,我用 maps.me 搵路,終於行到入餐廳。嘩,成個餐廳爆哂人。好彩剛剛有人走,餓到痴左既我果晚食左好多野。到約定時間就行番去市集等司機接返Guest House。

 

本來說好明天大家一同租電單車去遊列城東面及西面的藏廟群。因為路遠,我都打算租兩日車。大家只是想一同租車可以平點,至於開車就各自各玩。本來是這樣的……

 

翌日早上,大叔個樣好似死咗咁,佢話成晚唔舒服呼吸唔到又頭痛,姨姨俾左粒 Diamox 佢食,叫佢今日休息。佢嘅樣都無可能租車,唯有自己租。

 

之後嘅日子,大叔持續唔舒服。呢個情況我絕對明白,因為當你高山反應已經出現,其實只有落山先幫到你。最後大叔只能日日係房瞓覺,但係到第四日終於支持唔住去左醫院打針吸氧氣。大叔最後一日有少少精神的情況下,我同佢喺附近散步影銀杏黃葉,大叔話好有詩意,我幫佢影咗好多好多相。

 

諗起佢 8 日 7 夜除咗第一日同最後一日有影過相活動過,其餘時間都時在房中過時我就很同情大叔。不過咁,由於大叔係工程師,佢一年都飛兩三次印度,佢仲可以過嚟再玩過嘅。我提佢一定要配定 Diamox,因為今次試過自己會有高山反應,下次都會有。但係大叔話係日本好難配,佢話醫生唔會開,因為 Diamox 其實無科學證明有用,只係大家經驗話有用,所以醫生唔會開。咁我同佢講,咁下次喺印度買咗先,反正印度都有得買。

 

由於知道大叔無機會出去買野,我就買左列城一間自家品牌既有機杏桃磨沙俾大叔,叫大叔拎返日本俾佢太太當手信。大叔收到禮物一刻非常感動,我話等佢下次身體好一點再挑戰過。反正我都會想再到列城,到時候再看看大家有沒有緣份再見了。

 

人與人之間的緣份就是這樣微妙,同一班機,同一樣 Guest House,同一樣的住宿日子。在旅行路上遇見的,不管是一天或是幾星期的相處,就已是珍貴的緣分;旅行時,若遇上與自己投緣的人,是一種福氣吧。在這個小小的旅程中,我們都是旅客,總有一天旅程也將走向尾聲,就像書一樣,結束了這一篇章就要翻到下一頁。

 

Momo San 大叔,可能最快會在日本重遇你哦~

 

一路走來 FB 專頁

更多資訊,請留意蔓珠 FB 專頁

 

留言

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s