仆你個街,葛根湯嚟嘅?!|Mr. Roo

1

 

到底係 Batman vs Superman 不堪入目,定係葛根湯 vs 孟婆湯難分難解,我真係唔識答。

 

話說前幾日咁啱感冒初起,咁啱屋企又無感冒藥,咁啱又搵到盒香港用剩帶埋過來嘅葛根湯──見到咁多「咁啱」都應該 feel 到係一個想跣我入去嘅局架喇。

 

但係由於唔想死,所以就沖咗一杯來飲啦。一飲!嘩! _! 突然改變主意,我 prefer 死。可能孟婆湯仲好飲;請唔駛 comment「排食譜」或者「留名」,孟婆湯我真係無 recipe,不過你照住葛根湯個方法來整,應該已經邁向成功的一半架喇。

 

有人問:你以為葛根湯係螺片蔘雞湯的 friend?

 

好,我答:咁我又未低能到以為佢係真係湯類,睇個包裝都知葛根湯係藥類來嘅,正如我知魚蛋唔係蛋類,菠蘿包無菠蘿,西瓜霜唔係西瓜味,Star Wars 雲吞雞係真係有star wars,但無諗過葛根湯係咁嘅味遮。

 

係朋友警告過我佢係好難飲之前,我有幻想過佢係葛菜水咁嘅味,即係好似「三不賣」果的咁(又利申佢地唔係 sponsor),諗住佢地都係葛類遮。

 

嗰下 shock 過咗之後,咁其實都係唔想死嘅,我就硬著七頭皮一口氣飲晒嗰杯仲杰過芝麻糊/砒霜嘅苦口良藥喇。

 

第朝起身,我又好似無咗啲記憶咁,連感冒都無埋(真係無 sponsor 哩,我地賣咁多野,係真係無賣藥架……)。

 

原文載於 Mr. Roo 袋鼠先生 FB 專頁

更多資訊,請留意蔓珠 FB 專頁

留言

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s