給小朋友的Bed Time Story--也許佢會夢見青蛙|馬寶寶社區農場

20160407 bed time story

 

我覺得這個好適合講給小朋友聽,當 bed time story~~ 也許佢會夢見青蛙

 

介紹返,佢叫做「花狹口蛙」,我們鍾意叫佢做肥波,你睇佢浸喺水度肥嘟嘟係幾咁趣緻!住在鄉郊嘅朋友請特別留意,夜晚踏單車/開車回家時,小心唔好碌到佢呀!佢成日夜媽媽企喺路中心唔知做乜架~(我通常會落車然後叫佢跳埋路邊安全啲,如果佢唔聽我就唯有嚇佢啦……總好過比車碌扁嘛。)

 

l.php

 

肥波的另一個花名,係牛蛙,因為佢嘅叫聲係「wuun — waan —-」(本以為是同一隻叫,原來是有兩隻以上的不同叫聲啊),總之夏天夜晚,或者日頭落雨濕濕又有水窪的地方,就會聽到牠們的唱和聲~而且佢把聲可以傳到好----遠。因為,他們好喜歡自我感覺良好地躲在石屎表面的排水渠內,於是就自動有擴音效果。(其實佢唔係特登,只是天然河道被人類毀滅了,而他們喜歡在水裡,只好跳到排洪渠中)如果你循聲音探頭到排洪渠(特別是中間有個隔垃圾的集水位)裡看,就會看到此圖畫的樣子了~(不過用燈照佢是不鼓勵的,好燦眼架嘛)

 

我們對青蛙的印象通常是,佢一跳--就唔知跳咗去邊。但花狹口蛙不是咁樣的蛙。佢天生腳短短身軀又肥大,所以,不能以「瞬間轉移」保護自己。咁有咩計呢?

 

都有 3 個嘅:

 

1. 雖則佢唔係樹蛙,但腳趾仔都有吸盤,遇到危險時都可以爬高少少,遠離兇險嘅地面;

 

2. 佢短小而精悍嘅雙腿,係跳得唔叻,不過勝在夠力掘地洞,踩開啲泥等自己個肥波身體可以半埋在泥土裡(當然如果在石屎地,或啲泥太硬實就冇呢支歌仔唱啦)。呢條片00:30 開始看,是完美示範。

 

 

3. 最後,係佢嘅獨門秘方--吹漲自己!!!!!瞬間令自己由大雄變技安,令到佢嘅敵人心諗「嘩!咁大隻嘅!食咗都唔消化啦」就知難而退喇。

🐍

 

到最後我們又學吓英文,佢英文名叫 Painted Frog,一睇就知道是有小朋友唔乖,畫咗個橙色八字喺佢身上,得名 Painted Frog。越鮮色就代表剛換皮冇耐,深色啲就是用舊咗了。

 

想到這裡有點傷心。你諗吓每一次農地被人亂倒泥頭,每一塊濕地、農田被破壞,有幾多隻小青蛙就此被活生生壓死了?

 

— kaikai

 

---

 

延伸閱讀:

1. 這一篇的介紹很有趣啊,有清晰圖片,原來佢對台灣來說是外來入侵物種呢。近幾年才出現啊。(有一張圖是,吹漲了自己的蛙,用下巴的皮膚包住個鼻哥窿,以免漏氣,超級好笑)

http://www.ellison.idv.tw/ellisonblog/article.asp?id=726

 

2. 傳說睇完呢條片會鍾意咗佢。

 

更多關於馬寶寶社區農場的文章:梧桐河畔辦藝術節 籲公眾關注東北發展|夏綽蔓

 

原文載於馬寶寶社區農場 FB 專頁

更多資訊,請留意蔓珠 FB 專頁

 

留言

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s