真.感動香港:亞視終於執笠,狼終於來了|柏斯迪

20160402 亞視執笠

 

我有一個朋友,為了令自己真係,真係見證到亞視曲終人散的一刻,特地在晚上十一時守在電視旁前屏息以待,沒想到原來另一個朋友也在做同樣事情,基於節目其實相當沉悶,所以眾人又再展開膠流了……

 

「我開了電視,播緊 2013 年亞姐特輯。」

 

「咦?我都睇緊。我頭先睇無線東張西望,一班前亞視藝人在無線懷緬亞視,呢件事好膠。我父母仲點評前亞視藝人,例如劉錫賢以前冇咁肥架!」

 

「其實呢個亞姐特輯都相當無聊,佢地去葡萄牙,講緊個日落好靚……我只認得羅霖,羅霖話平淡生活最幸福喎……」

 

「同埋邊普邊粵。」

 

「有亞姐講普通話嘛。羅霖又話:參選亞姐係好多女仔的夢想之一……呃……」

 

「我想講,進入 23:30 呢個廣告時段,當我拎起本簿想記低有幾多個廣告時,已經賣完廣告。廣告有三個,兩個係亞視自家,一個係衞生署……」

 

「吓?好耐之前已經係咁。」

 

「其實如果比我,一定會呢刻賣廣告,執下死雞都好。」

 

「問題係呢個亞視得返節目部在運作,無咗廣告部,可能係要靠暖男阿東接,他連接線生都撈埋。」

 

「誰是暖男阿東?」

 

「搞錯啊你連暖男都唔知,公關黃守東呀,他是全公司最高級那個了,但他只是個高級經理,他無糧出都照買蛋撻慰勞記者嘛,所以被封暖男。」

 

「噢。亞姐們約定,五年後同一時間和地點等……」

 

「某亞姐又說:入演藝圈就好似釀葡萄酒咁……而我不知道她是誰。」

 

「她們穿晚裝有 N 個特寫,包括胸部,好近,我覺得好壓逼。」

 

「喂終於有商業廣告,網絡行銷.com,乜黎?亞視 OTT 又係乜黎?」

 

「哦,亞視要轉型做衛星電視,好似係。」

 

「吓?是旦啦,老老 77,仲有五分鐘,你緊張嗎?」

 

「緊張呀,我連尿都唔敢去痾,我怕錯失左熄機一刻啊。」

 

「最怕陣間話,愚人節快樂。」

 

「吓?_!做乜膠?藍底然後沒有訊號?咁突然!」

 

「亞視終於執笠呢件事,竟然令我有放下心頭大石的感覺,就好似狼來了的故事,而家我發現,狼真係來了,我覺得好感動。」

 

「我只感覺被騙,說好的告別呢?明明話會彈句告別說話嘛,佢而家連羅霖都講唔到最後一句野囉!」

 

亞視熄機 GIF

 

「我想起韓寒套電影後會無期的對白:每一次告別,最好用力一點。多說一句,可能是最後一句。多看一眼,可能是最後一眼。但係,今次連告別都冇啊陰公,我有一種反高潮的感覺。」

 

「其實那個全亞洲最大的八號廠,真是回憶來的,即係亞洲星光大道那個廠,我忘了點解有得入去睇,記憶好模糊。」

 

「我記得,因為有朋友多咗兩張票,於是佢帶埋我地兩個入去,如是者我們就結識了。」

 

「係……我們因亞視結緣。」

 

「唉忽然有點懷念開亞視睇抗日劇的日子。」

 

「唉忽然有點懷念在你家開亞視睇抗日劇的日子。」

 

沒想到,膠流到了最後,竟然是回顧一段友情的緣起……謝謝亞視。

 

相關文章:亞視當年點樣同無線打仗?|船頭尺

更多資訊,請留意蔓珠 FB 專頁

 

留言

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s