我們都遇過的Flirt女怪|柏斯迪

20160328 flirt女怪

 

我有一個朋友,我們繼一同看卡塔爾對香港的球賽和鬼片後,在友人之間的深夜膠流中,她突然拋下一個問題:「你地有冇遇過 flirt 女怪?」從心底升起陣陣不安,於是在全程對話中,我努力制止 flirt 女怪與她之間發生任何事情……

 

「我地先定義一下啦,其實呢 flirt 女是動詞,而女明顯是個 plural form,所以 flirt 得而不是漁翁,那麼他只是溝女,談不上 flirt 吧?」

 

「嗯,梗有一個 flirt 女怪喺左近架喎。我之前去一個活動,有個向來多仔追的女仔帶了一個男性朋友加入,那男的向逐個女仔噓寒問暖,有男友無男友都照殺,然後大家夜晚瞓覺討論呢件事,個個才恍然大悟原來佢又有咁對你。」

 

「係啊係啊,就係大家對證時才發現,原來佢個個都 flirt..」她和應,唉!我都估到。

 

「然而,他基本上無同過姐講野……即係我是唯一一個無被選中的……」噢。

 

「唉,我前男友正是 flirt 女怪,佢對待除我以外的女性朋友都是同一態度,即是噓寒問暖,並表現自己內心的脆弱,例如其實我不快樂,女友不了解我之類。然後太公釣魚願者上釣,人地唔上釣,他便可以辯稱只是一般朋友傾計,人地有點意思,他也可話唔關他事,但總之所有事端都先由男方挑起。」可憐的朋友。

 

「我公司呢,有個成日口花花 flirt 女的,但佢呢,通常都會 flirt 一些有點腦、日後有點用既囡的,例如隔離 team,可以拎些情報……我覺得與其話佢 flirt,不如話佢是一個世界仔,咁佢女人緣可能有少少……但有一次,佢又 flirt 啦,點知,女的可能想多咗,倒追男不果,結果老屈男對佢有意思,仲搞出個大頭佛,最後不歡而散。呢個故事教訓男人,flirt 女有時會太成功,變左個女倒追你,就失去了 flirt 女的快感……」

 

「仲有,我有個男同事呢,外表唔錯,但一開口 flirt 就死得,因為太無腦,所以最後啲囡囡都會串返佢轉頭……低質 flirt 女會經常被女諷刺的……那是一件很慘的事。所以我會勸戒愛 flirt 女的人,你的腦子不是擺設。」呃,這間是什麼公司來的?

 

「你比人 flirt 咩?」是我出場的時間了!

 

「呃……」

 

「我幫你諗點樣智退佢啦,搵中間超人黃成智囉~」忍唔住繼續講!

 

「或者反 flirt 佢,仲 chur 過佢,例如佢話其實我不快樂,你話我想自殺添呀,吳克儉畀 5 蚊我救 L 到我咩?」咦,唔得喎,唔可以比佢地接觸咁多。

 

「收返頭先個建議。又或者佢等你 react to 佢張相,你 react to CY Leung 張相都唔理佢。」

 

「咁如果佢話:女友不了解我?」某人前女友插口問道。

 

「女友不了解我?你咪話劉江華夠成日了解康文署刪走國立單嘢,到而家了解過未吖?了解他者是不可能的。」

 

膠流完畢後,我私下傳了個訊息給她:「不過我會嘗試了解你。」

 

「嘻嘻。」看到她的回覆,嘿嘿,又忍不住跳起 yeah~

 

柏斯迪同佢位女性朋友的故事

尋晚,我同女仔一齊睇卡塔爾對香港

尋日,我同女仔睇《紅衣小女孩》

 

更多資訊,請留意蔓珠 FB 專頁

 

留言

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

w

連結到 %s