【桂林日市】Alexter有話兒

photo_2016-03-27_21-54-30
攝:Nick

 

昨天由小麗民主教室等團體舉辦的桂林日市,「Alexter」周永康與岑敖暉也有參與擺檔,他們分享當一日小販的感受。

 

周永康:

 

「我今日整咗 80 幾隻粟米片炸雞翼,個零鐘就清哂!講真,我覺得今日好唔真實,小販開檔要準備嘅材料都無預備好,例如都無預計到食物賣哂要 refill。期望下次可以有更多真小販加入,先可以撐起墟市。

 

不過,今日我感受好深嘅,係啲人非常渴望有小販出現,感覺係好耐無見過嘅景象重現眼前,無論銀髮族、中年人、以至係小朋友都好雀躍。

 

舊年我去捷克布拉格,遇上當地政府安排、城市其中一日有 60 幾個地點開放墟市活動,將馬路變成行人專用區。無論市民、小販、當區街坊都一齊參與,擺賣熟食、啤酒、展出藝術品、唱歌、甚至教跆拳道等活動都有。在政府妥善安排下,居民可以落街露返兩手,亦都可以俾機會基層市民養活自己。

 

回望香港,點解我地唔可以有咁嘅墟市?街頭文化、本土文化幾時先可以重現香港?」

 

岑敖暉:

 

「今日終於一嘗做小販檔嘅感覺,好過癮。一直都好想試下做小販,一來由細到大都鍾意街頭小食,二來每個月又唔駛交租。

 

小販係社區入面嘅重要元素。我地去到天水圍、馬鞍山、將軍澳等新市鎮,都會留意到當區係無路,只有天橋,只有大商場。當大部份香港人放假,都會出街、去公共空間度活動,一個城市係咪宜居、係咪我地嘅歸宿,我地係咪住得開心,好在乎城市係咪間唔中有墟市,大家可以落街食野吹水,唔洗咁多鎖鏈。

 

除此之外,小販亦都盛載住香港精神。小販一手一腳砌出工具,用自己雙手已經可以養活一家。現在政府取締小販,將食店移師好似隔籬西九龍中心嘅大商場,小市民無可能負擔數以萬計、數以十萬計嘅租金做生意,咪只能夠入去做美心、大家樂嘅侍應囉。

 

路同空間一樣,都係人行出嚟。希望我地可以一齊努力,令真小販重現。」

 

相關文章

【桂林日市】深水埗街坊與事吉茶記

桂林日市:在放任與取締之間,我們原應享有的自由|劉小麗

 

更多資訊,請留意蔓珠 FB 專頁

 

留言

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s