尋日,我同女仔睇《紅衣小女孩》|柏斯迪

20160326 紅衣小女孩

 

我有一個朋友,她說要去看《紅衣小女孩》,我立時 google 了一下,發現那是一部台灣恐怖片。這人不是最怕鬼嗎?我十分疑惑,她無奈解釋說,她很喜歡黃河,而黃河是這部電影的男主角,唯有入場支持。於是,又是我出場的時間了!繼一同看卡塔爾對香港的球賽後,我們又一同去看鬼片了!

 

由於時間關係,故事簡介如下:

 

「阿偉是個窮忙族,與奶奶相依為命,每天超時工作賣房子,夢想著跟DJ女友怡君早日結婚成家。有一天,阿偉的奶奶在山區離奇失蹤,自責不已的阿偉,舉止也越來越奇怪,當奶奶終於被尋獲,卻換阿偉失蹤了。怡君發現這一切的謎團,都跟流傳多時的靈異傳說『紅衣小女孩』有關。為了尋找男友,怡君前往山林,看見了最恐怖的真相……」(來源:Yahoo! 電影

 

呃,戴定頭盔先,有少少劇透。簡而言之,一切緣於一個台灣民間傳說「魔神仔」啦,魔神仔唔知發咩神經,聽到有人在山上響人全朵,竟然唔係捉無禮貌那條友,而是捉比人響朵那條友,而被響朵的那條友聽到呼喚後好心轉頭應佢,就會中招,然後要成為一個無禮貌的人,響另一個無辜的人全朵,先可以脫身,然後無限 loop……

 

201511131201042_紅衣小女孩 20151113-3

 

不過,朋友好似真係好驚,我惟有不斷膠 up,以轉移佢視線……

 

「其實我真心想問:紅衣小女孩,你有什麼訴求……」

 

「吓?」她終於從驚恐中回過神來。

 

「我愈諗愈覺得有點嬲嬲地,因為我發現,原來我看完成套戲,我都唔知魔神仔係咩……除咗片頭那一句短短既簡介……究竟魔神仔有咩野訴求?點解會形成?因為日月精華?還是那一句,而我不知道魔鬼仔是誰。」

 

「一套真正嘅恐怖片,真係可以好恐怖架,即使題材不是講鬼。你知唔知世上最恐怖是什麼?不是鬼怪靈異野,也不是所謂嘅心魔,而係人性,我唔係講笑,那種人性的恐怖真係可以令你從心寒出嚟,但紅孩兒沒有呢種深度,紅孩兒未能從 context 上說服到一個有帶腦入場的觀眾。」

 

「佢叫紅衣小女孩啊。」

 

「是旦啦。其實套戲到最尾,魔神仔呢個民間傳說,都未好好處理到,佢好衰唔衰整個魔神仔出嚟,又唔描述一下魔神仔的前世今生,所以佢真係一齣頗爛的片,惟一就是賣弄了彭氏式的攝影技巧,但我想講,彭氏的戲都會帶出些 message 的,例如鬼域堅係帶出環保。如果你真心嘗試看恐怖片啦,不一定講鬼,所有有深度的恐怖片,最終會令你哭的……我覺得,因為可恨的人,往往是有可憐之處,無論是什麼物體,最終離不開人性。」

 

「剛剛那套其實真是不值得驚……你當自己睇侏羅紀啦,你會唔會驚啊?重要玩響人全朵就勾魂,咁同數到三,就放手有乜分別?」

 

嘿嘿,佢聽完我講笑得好開心,然後開始一輪嘴講一堆錯 focus 的發現。

 

「係囉,我睇嗰陣諗,如果響邊個全朵就勾佢魂,我會叫梁振英個名。」

 

「仲有,看更阿坤伯好慘,被男主角響全朵,而且最後被人遺忘,因為佢唔係主角,套戲最後冇交代佢點樣。其實男主角都好厲害,會記得看更個全名。」

 

「你有冇留意到,女主角 5 年前已同男主角一齊,而佢如果冇落到個仔,個仔今年 3 歲,而佢唔敢同男主角講……偷食/劈腿/一夜情/意外,傻傻分不清楚。」我忍不住回應,將膠流深化。

 

「總之,個故事告訴我們,做人唔應該有禮貌,人地叫你你唔應該應機,尤其是響你全朵的人,通常都係不懷好意,科科。」

 

臨別前我響佢全朵,「下次仲睇唔睇鬼片?」

 

「唔睇。」她停頓數秒後響返我全朵,「睇愛情片啦,下次。」跳起 yeah~

 

 

上篇:尋晚,我同女仔一齊睇卡塔爾對香港|柏斯迪

更多資訊,請留意蔓珠 FB 專頁

 

留言

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s