關於自殺:不要下太簡單的結論|柏斯迪

20160310 關於自殺

 

這幾天,柏斯迪想了很多很多……換句話說,這篇近似是柏斯迪自說自話。

 

「其實班人現在經常話,因為你讀書,所以你跳樓,令本人好反感,很多時一出事就 blame 教育乜乜乜,其實不只,根源是整體經濟結構,你教育改咗又點?最終畀你好開心讀完啦,又點?」

 

「我想話,依家 d 人話,你讀完書都無希望,但講真,是咪你唔讀書就有希望呢?其實人最絕望係,唔知自己可以做乜,唔知自己想點,你唔讀書但知道自己想點無問題,否則呢?你可以 blame 我們的教育沒有生涯規劃,你可以 blame 我們的社會缺乏想像力,你可以 blame 香港的考試制度好有問題,但你唔可以乜都唔知就直指學生跳樓一定係教育問題,咁等於你見到社會出現問題,就一定是政府問題,其實你一定沒有講錯,但有咩意義?」

 

「每個人尋死的原因,抑鬱的原因,我可以肯肯定跟你說,一定人人不同,因為人本身就是獨一無二,唔好籠統講野,你以為人人都是因為成績差而跳嗎?話你知,曾經高過、叻過、所謂成功過嘅人,更加容易跳下去,你們現在好似在指責所謂成功,是因為你們不知道成功者的壓力,只懂從失敗者角度思考。

 

剛剛從黃大仙跳下來那位,疑似學業問題,但不要忘記,他是港大生,我很相信,他從前一定考得好,在你們所說那些吃人的教育制度。但他入到港大,上到所謂岸,他跳下來。唔該,可唔可以唔好咁求其分析一個人嘅死啊?一個人抑鬱又係咁,好似全世界,只要學生抑鬱,就一定係教育、學業問題,是是但但求求其其,你同 CCTVB 有咩分別?」

 

「我明,blame 教育、blame 考試從來都容易。呢個世界,不是有很多天才,天才可以不依教育那條階梯,我們可以再討論教育制度的方向。但我想話,教育從來都是教出 average 的人,因為人,大部分都是 average,他提供給你的就是 basic,而社會上人其實大部分都是 average,你叫人不要讀書,除非一、你明確知道自己想做什麼;二、你是天才。」

 

「其實鬧制度真係好易鬧嫁,但我有一個最想鬧嘅位,就係到現在咁多人跳樓,輿論竟然只係 blame 教育制度,我覺得好可笑。一、人人自殺原因不同且複雜,豈能單單只歸納出教育一個原因;二、換言之,到今時今日,香港人仍然不願意認真正視精神健康的重要性,其實人人都有不同程度的情緒病,但我們的社會從來都不重視、從來都忌諱,有幾多人可能已經是抑鬱,本身應該要食藥,但得不到治療?其實醫生應該很明白,社區精神支援係完全不足的。」

 

「所以到今時今日仲只識 blame 教育制度的人,其實我真心質疑他們有幾明死者,雖然我都唔太明,但我真心覺得,blame 教育制度的人,一來事後孔明,同阿媽是女人無分別外;二、他們似乎完全無代入過角色咁……我都係嗰句,其實學生跳樓,早幾年都有發生過,你會發現,無論從 vertical(不同年代),還是 horizontal(小、中、大學生),其實班友提出的原因,都是一樣的教育問題,_!」

 

「你走心了。」

 

「其實,究竟有幾多人真係有老土嗰句:每日暫停 10 分鐘,聽聽少年心底夢?」

 

「講真,你 blame 讀書教育令人自殺,很宏大啊真係,凡事都有遠因,近因呢?導火線呢?累積嘅戾氣呢?我回想當年情緒極低落,原因起於人,紓解都因為人。」

 

「我還記得那天我抱著在哭的你……」

 

「咁你明啦。」

 

相關文章

生命有何寶貴?死亡有何足惜?|神

共創成長路,挽回了學生的生命嗎?|陳沖

 

更多資訊,請留意蔓珠 FB 專頁

 

留言

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s