現場見證鼎鼎落敗一刻|柏斯迪

20160229 鼎鼎落敗一刻
相片來源:香港獨立媒體網

 

我有一個朋友,為了令自己真係,真係親眼見證新界東補選結果公布的一刻,特地以公眾人士身份去新聞中心留守,並持續與不在現場的眾人互傳訊息。通宵達旦,一場膠流又再展開。

 

「啱啱開始出點票結果,頂頂啲票多過岳橋,我覺得自己個心震緊,好驚人生第一次在現場竟然係迎接頂頂的勝利,我不願意啊!」

 

「定啲嚟,帽事的……」

 

「此時我身後的姨姨正與附近的妙齡少女因政見不同展開罵戰,靠少女身旁男友調停。另一邊廂,天琦支持者聲勢浩大,每當更新點票結果就會高呼『梁天琦,當選』,有時就叫『民建聯,落地獄』。」

 

「你見到中間超人嗎?黃成智欲進入點票中心時,一度遭職員問:『無哂籌,你係邊嗰。』」

 

「唔見喎。可能佢連保證金都拎唔返。」在現場的友人眼見岳橋開始反超前頂頂,無需迎接頂頂勝選的願望看似能夠實現,個心終於定一定,於是開始追蹤其他候選人。

 

「陰公,cosplay 埋超人都攞唔返。」

 

「而家你嗰邊乜情況?」

 

「現時大家密切留意體雕選票能否過二千。」

 

「唔好睇鵰啦 ><,佢一早宣佈落敗啦。」

 

「吓?但我真係好想同佢合照。希望體雕會嚟啦。」

 

「我同現場朋友傾緊,佢地原來幫體雕做過少少資料搜集,聞說體雕在訪問中曾言估計自己有十八萬票,因為九十四萬除以七。」

 

「全場人士不分陣營,齊聲高呼:『無綫新聞,是是旦旦!』」

 

(宣佈結果前的現場情況)

 

由於馬鞍山票站出了狀況,可憐的友人在現場呆等了兩小時,直至五時,終於宣布結果了!

 

「我感覺到,宣布唔係頂頂當選時,全場鬆一口氣。然後一片藍海高呼:『鼎,你唔好喊啦』、『東涌需要你』,並且高唱《城邦會戰勝歸來》!」

 

「期待天琦跟岳橋九月會在立法會再續前緣,組成政壇的農夫。」

 

「香港真真正正地三分天下啦。魏蜀吳三國鼎立,魏係建制派,吳係泛民,而蜀係本土派,蜀其實在三國中最小,但『精銳盡出』(梁天琦語)。」

 

「若引用趨勢投資法進行投票,泛民是跌勢,而本土是升勢。」一舖清袋與一鼓作氣只是一線之差。「不出 20 日,全港已被本土炒㷫,那道氣由梁天琦在論壇上寸爆頂頂同收成智皮,到在街頭上一浪接一浪藍海式拉票助選團,仲要威到出埋 KOL,真係時代既聲音咁款,足以震懾七百萬港人⋯⋯」

 

簡言之,楊公子嬴了,但公民黨輸了;梁天琦輸了,但本土派嬴了。「十六點八萬票,入面有含淚,有顧全大局,估呢班人會唔會仲有下次再下次嘅最後一次呢?」

 

相關文章:

新界東選民有福了!選舉論壇笑料|柏斯迪

岳橋同天琦好有愛……|柏斯迪

 

更多資訊,請留意蔓珠 FB 專頁

 

留言

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s