岳橋同天琦好有愛……|柏斯迪

20160227 岳橋與天琦
攝:蘋果日報

 

我有一個朋友,為了令自己真係,真係見到岳橋同天琦之間真係好有愛,投票在即,特地看了最後一場在無線播出的立法會新界東選舉論壇,然後睇到欲罷不能。基於眾人有特別的觀戰技巧,於是膠流又再展開。

 

「哇黃成智有冇搞錯,明明配對辯論,佢要問梁思豪問題,但佢竟然問梁思豪關於楊岳橋的問題,想借梁思豪把口插楊岳橋,好醜怪啊。」

 

「講開又講,其實呢個四號真心膠,但膠得黎有時說話幾中肯,而且道出真相。」

 

「係囉,我都想知,頂頂究竟係真喊定做戲?佢咁易喊,入到議會頂唔頂得住架?」

 

「天琦真係好正,大快人心,成段都好正,體雕不斷在旁發出雜音。你話你要幫香港人啊嗎,我企係你隔離,我係唔係香港人啊?未審先判,你話我地係暴徒,你係法官咩?你只不過是新世界一個法律顧問,自稱執業律師,而體雕仍然持續發出雜音。」

 

「仲有,我要講野!禁蒙面法,早幾年烏克蘭就實行咗,最後你知唔知搞成點啊?烏克蘭出咗一場革命,你係唔係要做啊?做啊!我陪你玩到底。」兩個朋友開始鬥背對白上身,救命。

 

「其實天琦專咬成智架喎,然後岳橋專咬頂頂,非常好的分工。」

 

「然後體雕負責派膠同總結,哪吒同一號就是跑龍套。」

 

「我覺得,天琦同岳橋係君子之爭。」

 

「當然,你見佢地點咬頂頂同黃成智,就知佢地識英雄重英雄。」

 

「嗯嗯。天琦~原來,真是好有愛。天琦,這是我們最後一場電視辯論啦!岳橋剛剛跟頂頂廝殺完,即時話鋒一變,真是好 pure 好 true。」

 

「我沒有忽略岳橋望住天琦的那個笑容,還有天琦回答岳橋說『係啊』之前,嘴角微微向上揚的那個表情。真係好有愛。」

 

「真係好有愛,要重溫一下。哎呀,真是好想有人剪曬今次補選論壇既精彩片段出來,等我一次過回味。」

 

「講起有愛,根據腐女所言,配對追捧與否呢件事,主要睇三點:靚仔、火花、屬性。火花就係指兩人當中有冇愛的火花嘞。」

 

「咁屬性呢?」此時有傻豬豬亂入,當然沒人理會。

 

「但我冇辦法想像岳橋同天琦腐得起啊,可能因為佢地都係 all back 髮型啦。」有個腐魂正在燃燒。

 

「講開又講,鄧小宇話 hehe 只係一種特別的宣傳技巧,無助同志平權喎,你又點睇呢柏斯迪?」

 

「可能係我過份樂觀啦,不過我慣常在絕望中找點曙光,至少至少至少,可以令呢件事入屋,並且並非以被批評被說閒話等等的負面形式出現,此點在我看來是重要的。」

 

路雖遙,共勉之。

 

相關文章:新界東選民有福了!選舉論壇笑料|柏斯迪

更多資訊,請留意蔓珠 FB 專頁

留言

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s