香港即將出現禁書?|柏斯迪

20160219 禁書?

 

我有一個朋友,深夜閱讀益智讀物面書,於是我最期待的膠流出現了!

 

「警方就旺角騷亂事件拘捕一名 22 歲大專學生,指他涉嫌參與暴動。警方下午將他帶返旺角花園街住所調查,逗留超過 1 小時,檢走數本書籍、手機及衣物等證物。被檢走的書包括,立法會議員黃毓民所著的《本土、民主、反共──黃毓民政論集》、陳雲所著的《香港城邦論》以及全球暢銷書《引爆趨勢:小改變如何引發大流行》。」

 

「其實村上春樹所有書都唔得,因為會學識站在雞蛋那邊。」

 

「咁張愛玲都唔得啦,因為佢中意漢奸。《色戒》仲鼓吹女特務變節添,唔愛國。」

 

「BOB THE BUILDER 都唔得,因為識砌磚,你知而家磚幾敏感。」

 

「所有天然肥料/有機食材都唔得啦,爆炸品嘛。」

 

「《十萬個為甚麼》都唔得,實有提過整炸彈嘅科學原理。」

 

「仲有霍金果本《時間簡史:從大爆炸到黑洞》。」

 

「其實係咪有個爆字就係爆炸品?」

 

「爆炸好麻煩,爆炸好麻煩,滿地炸彈~」

 

「Thomas Friedman 本《The World is Flat》可能都禁得,因為佢地會以為被夷為平地。」

 

「《世界是平的》有機會被認為是宣揚恐怖主義⋯⋯」

 

「梁振英係咪有自傳?」

 

「我谷哥(註:是柏斯迪對 google 的暱稱)打『梁振英自』,佢出『梁振英自滿』……」

 

「自閹、自大、自爆,就係冇自由。」

 

「梁振英原來寫過本《如果是你的子女》。」

 

「我有!仲有本《奔向未來》!」

 

「唔駛禁嘞掛?振英心繫家國喎。」

 

「有講情史應該唔得,就好似李波都係衰在講習大大情史,正史都係咁話。」

 

「英文要全禁,有外國勢力。」

 

「繁體字書都要全禁啦,要學簡體嘛,由細個學起。」

 

「果啲小學睇嘅名人自傳系列都唔 OK,唔係甘地就馬丁路德金邱吉爾,點算?應該出番 SET 係毛澤東、鄧小平、李鵬……」

 

「《狼來了》童話又要禁。」

 

「《成語動畫廊》都唔得?因為會 HURT 到 TREEGUN。」

 

「尋夢園系列應該要禁,因為令人作無謂幻想。」

 

「吓?我買咗送禮喎。」

 

「聽日被捕。」

 

「一個政權要禁錮思想,連叮噹都唔畀睇,尋夢園系列被禁好正常姐。」

 

「叮噹有空氣炮,好危險。」

 

「仲要叫尋夢,就係唔想你發夢,發得夢仲唔係 I have a dream?Martin Luther King 啊,好危險。」

 

「咁鄺俊宇 BB 得唔得?」

 

「民主黨喎。」

 

「咁仲有乜睇得?」

 

「一帶一路果堆國家嘅語言都應該唔使禁!?」

 

「《毛主席語錄》?又或者《1984》反而唔使禁,因為佢同而家香港冇分別,根本唔係書係現實。」

 

我這位朋友後來跟我說,他很擔心有天不能再閱讀他很喜歡的益智讀物面書……

 

新聞來源:【警不讀書?暢銷書當炸彈手冊?】拘涉「暴亂」大專生 警搜屋展示證物 竟有《The Tipping Point》|立場新聞

 

相關文章

毀掉年初一,毀掉底線:唯恐天下不亂的政府|柏斯迪

桂林夜巿小販支持者的心聲:令人痛心的一夜|小麗

從歷史角度看魚蛋革命|柏斯迪

渲染暴動、港獨:梁振英的連任計畫?|柏斯迪

新界東選民有福了!選舉論壇笑料|柏斯迪

 

更多資訊,請留意蔓珠 FB 專頁

留言

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

w

連結到 %s