新界東選民有福了!選舉論壇笑料|柏斯迪

20160217 新界東選民有福了

 

我有一個朋友,為了令自己真係,真係見到黃成智幫哪吒拉票,投票在即,特地看了 Now 電視台的立法會新界東選舉論壇,點知欲罷不能。基於眾人有特別的觀戰技巧,於是膠流又再展開。

 

「哇,周浩鼎自我介紹唔對題得好嚴重喎,佢自介係多謝警察 =.=’’’」

 

「佢都唔打算對嫁啦。佢藍絲,主要是大家相認咗,藍絲要知邊個係藍絲,呢件事好很重要。」

 

「進入回答問題環節了!被問到會否在高鐵議案上拉布,黃成智話喎,兩地兩檢都接受,主持人反問咁咪唔係高鐵囉,佢答,呢條係一條鐵路,而鐵路終歸係有用架!吓?」

 

「4 號仲好笑,佢話唔會為高鐵拉布,因為拉不拉布都會過。主持問佢,所以會投乜?佢答:『唔拉布……所以投……贊成票……』然後笑得幾尷尬啊。」

 

「梁天琦識得引經濟概念 sunk cost,就由高鐵爛尾,跌咗落海就由佢,返唔到轉頭,但唔好錯落去,跳出咗港人既定經濟思維框框,人人都覺得洗濕咗個頭,就只能無奈繼續承受,將損失盡量降低,其實係好典型既保守心態。」

 

候選人互相質詢了!!!!!!

 

「1 號為周浩鼎護航,問哪吒有關掛 banner 的事,用超過 2 分鐘討論一件雞毛鴨蒜的事……」

 

「我想問四號做乜?佢向天琦做咗個專訪咁款,笑死我。」

 

「4 號真是好好笑,好笑到一個位,佢知唔知自己做緊咩?佢之前仲嘗試展示自己同內地官員傾到計,話自己有工聯會背景,內地信得過佢,但佢今次係獨立身分。佢是咪傻嫁?將所有一個正常人都會盡量淡化既弱點,全部自己揭開給人看,若非今場有個比佢更七嘅黃成智,佢一定成為亮點。我想他現在一定握拳,狠狠地揮落黃成智的海報上,含淚鬧那老狐狸,阻住他成為今晚洗版焦點。他要再想奇招成為網絡紅人了。」

 

「黃成智似乎想接樹根捧,點睇都覺得佢應該是暗戀樹根,所以才扮如斯出位的超人。見佢今晚講野,更肯定佢崇拜樹根,大家說話都 1999。」

 

「我見到梁天琦怒斥黃成智呢個是基本邏輯問題後,拋下那不屑眼神時那刻,真是好有親切感。而黃成智就好似樹根被寸到一棟都無。」

 

「周浩鼎問梁天琦,楊岳橋同公民黨有無幫佢打官司,梁冷冷拋下一句無時,周兄被拋窒了……諗住跣人,點知被楊一記回力槍片番佢無專業操守⋯⋯唉,真是七都無朋友(笑喊)。」

 

(按:楊岳橋為旺角騷亂事件兩名被捕者提供法律支援,被質疑該兩名被捕者若為新界東選民,有關行為或涉及選舉舞弊)

 

「聽我講,聽我講,梁真是好似陸永。」

 

「真係每一個環節都有笑料。大家果然好配合 now,所以先可以剪到九段都咁精彩。」

 

「我睇到欲罷不能!」

 

「我想重溫啊!」

 

「答問題真是會知是人是鬼。其實一答問題就愈看愈真,我指邊個忠於自己理念,邊個說話刻意修飾。今時今日,不管理念是什麼,不直接答人問題的政客是最討厭,我寧願見佢不斷捍衛自己嘅立場論點。」

 

「所以周浩鼎真係令人想講粗口咁囉。」

 

雖然想起班膠友,仍然笑到抽筋,但一想到香港既政壇竟然咁膠時,除了倒抽一口涼氣,真係笑唔出……

 

Now 立法會新界東選舉論壇:節目重溫

更多資訊,請留意蔓珠 FB 專頁

 

留言

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s