西澳有咩玩?袋鼠公園探嫻姨|Mr. Roo

20160207 袋鼠公園

 

咁的,眾所周之,西澳是出名悶的,有見及此,其實好耐以前就已經有一個 Wildlife Park,是集合澳洲野生動物於一身的。而公園裡面,最遍地開花的,當然是袋鼠先生啦。

 

呢個公園的袋鼠s 並不是好似一般動物公園咁將動物困入籠裡的,這裡的袋鼠是係公園內自由走來走去的。

 

在入口不遠處,及公園不同角落,都會有好像垃圾桶的桶。千祈唔好掉垃圾入去, 因為佢地係袋鼠食物桶來的,你可以隨意拿食物餵佢地,我估那些食物是壓乾咗的草或者他植物之類。

 

另外要注意的是,如果見到袋鼠袋裡面或附近有袋鼠B,不要嘗試太接近佢地,因為佢地驚起上來,可能會襲擊你的。

 

袋鼠之外,當然有澳洲另一著名動物嫻姨啦,嫻姨由於主要糧食是 gum tree leaves,而呢種葉是會食到人混混沌沌的,所以佢地一日訓到黑。呢個公園的嫻姨是在一個特別室裡面的,遊客要排隊入,通常用手背輕輕拈下影張相就要走,會跟據動物精神狀態(混沌/非常混沌)而由職員決定俾唔俾你抱,通常都無得抱(唔_係掛?)

 

其餘呢就仲有黃伯(Wombat)、貓頭鷹、possum、同埋一眾 kangaroo & friends。個公園其實唔係好大,個人認為一、兩小時就已經可以行完的,當然你都可以慢慢行,行來行去,玩半日甚至一日的。

 

玩成日咁有咩食呢?拿,呢個公園個「小食亭」呢,就豐富喇,賣嘅野有:腸仔、烚腸仔、烚熟腸仔、麵包、長形熱狗包、熱狗、茄汁、燒烤醬,所以呢……對食有少少要求嘅朋友,係可以自己帶食物去的。小食亭對開有個草地,大家是可以喺度野餐的。

 

臨走,當然唔少得係手信舖買番一啲富澳洲特色的中國製紀念品啦。

 

 

入場費(AUD$)

 

Adult $27.00

Child (3 – 14 years) $12.00

Student $19.00

Aged Pension $19.00

 

Western Australian in-date Aged Pension Card or Western Australia in-date Student Card must be presented to receive concession rate

 

記住如果你唔係本地人,無本地學生證或者長者證,好多地方都係買唔到優惠票的。

 

今次的相並不是袋鼠先生自己影的(所有圖片都有註明出處),原因是 Perth 而家正值夏季,所有室外活動都太熱了……

 

文章原載於作者 FB 專頁

更多資訊,請留意蔓珠 FB 專頁

 

留言

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

w

連結到 %s