酒醉三分醒:酒店業辛酸史 002:雜技力王

20151210 雜技力王

 

上回提到:001 將進酒

 

<002> 雜技力王

 

上回講到將進酒初體驗,

剛畢業嘅你,做住兼職搵人生方向,是常識吧!

 

工作係辛苦嘅,日日擔擔抬抬、汗流浹背,

又比客人、經理、廚師,黎個前後夾擊,腹背受敵

真係少 D 忍耐力都唔掂……

不過幸好,有一班前輩師兄,會令你過得無咁慘,心態上依然能夠苦中作樂。

 

傳菜──普通不過嘅一個餐飲程序,但係各種比賽正正由此衍生,高下立見!

大家去食自助餐或者任何餐廳,都一定見識過侍應們嘅盤上功夫,

有 D 真係令你膽戰心驚,坐立不安!!!

 

初初入行,一個圓盤放到兩三杯水(ROCK 杯),唔會浪哂出嚟、左搖右擺,呢個已經係最低要求!!

如果唔係~~~

「你都係自己走啦四眼仔,我唔想攪大件事佢。」

 

正常 SIZE 嘅圓盤,單手盤上 6 杯高身杯,行得神態自若,算是合格,

如果可以去到 8 至 10 杯,你都算幾適合做呢行,幫到手!!

 

自助餐一開始,相信大家一定會急不及待地隨著個人喜好衝向各大戰區,

而我地深知道不能空手上戰場!!RELOAD^ RELOAD^

上彈嘅動作緩慢而優雅,仿佛一位紳士淑女一般,

首先上身微微前傾,右手垂低,再用指尖輕挑地觸碰那圓白的大餐碟,

然後再同心默念「嘩!洗唔洗咁_重呀~」

 

11 PM 過後,客全走,GAME START!

 

第一回合:自助餐大餐碟

 

我一路對於 REFILL 自助餐大餐碟都有一個疑問……

平時二三十隻都覺得有 D 重,咁究竟我一次過可以拎起幾多隻呢??

(文章結尾揭曉)

 

第二回合:鐵板大挑戰

 

嘰………………炸~…!!!

一塊灼熱既鐵板、一小瓶滾燙既醬汁,交織出一抺溢香既薄霧,

將人們心底對食既幻想同慾望,完全地、徹底地給勾引出來,

這種感覺,大家應該不陌生吧,

以下試想像一下,你會如何出餐…..熱到出煙GA~!!

兩塊鐵板兩瓶醬汁──應該不難處理吧。

三塊鐵板三瓶醬汁──動個小腦筋,都是可以解決的。

四塊鐵板四瓶醬汁──有點棘手吧,臂力已經十分驚人了。

五塊鐵板五瓶醬汁──不用自卑,這已經不是平凡人可到達的境界。

……

 

各位讀者,神乎奇技既事情多的是,又點會得兩款呢,

而每一項都係挑戰緊人體(身、心、技)嘅極限,

非常危險而又非常刺激,當然成功之後會伴隨著濃厚既成就感,

但係各種工傷、意外、客人既投訴都會隨著你既失敗而來。

 

量力而為,苦中作樂,係我阿煩比你地既勸告。

 

下集預告──向你隆重介紹

「我的第一個恩客」

 

第一回合:大餐碟 76 隻、甜品餐碟 89 隻,已經完全望唔到條路。

第二回合:(非本人)六塊鐵板六瓶醬汁,此人成功後,制服左上臂被鐵板燒穿了一個大洞,未死。

 

上回提到:001 將進酒

 

酒醉三分醒:酒店業辛酸史

 

論盡酒店業千奇百怪,

何謂雜技力王?如何成為一條純種好狗?幸運的油水?我的第一個恩客?……

同大家一一分享當中既奇人奇事~是神奇技倆!

 

更多資訊,請留意蔓珠 FB 專頁

 

留言

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s