喂,田北俊,精神啲,臨時演員都係演員嚟!|小島

20151208 田少精神D

 

喂,田北俊,精神啲,臨時演員都係演員嚟!

 

田北俊的作風,好反映到港豬的一種心態:就係你實際上係人係鬼唔緊要,最緊要係表面做得好好睇睇,大家就會收貨。

 

明明自由黨一早已在公聽會,已經表明力撐網絡 23 條,而且要求收緊條例,唔好比咁多空間及豁免比網民,但好多港豬仍然覺得自由黨好似幾好咁。

 

 

就等於,老婆會同老公講:「你出面去浦去滾唔緊要,最緊要係唔好比我知道就得。」

 

理性上明明知道自己個老公出去滾,但係港豬就會欺騙自己,所謂眼不見為淨,或日掩耳盜鈴,令自己感覺良好。

 

田北俊話,如果泛民的修正案不獲通過,自己會在最後投反對票,而其他4名黨友則繼續支持網絡 23 條。但此舉,對於能否反對網絡 23 條來說,有沒有實質的影響呢?當然是沒有。

 

田北俊不拉布,不多次發言,不提修訂,是怕審議夜長夢多,幫了民間累積更多反對力量,可以拖至下星期三有更多人出來集會。

 

為何自由黨 4 個功能組別立法會議員,既要支持泛民修正案,但如果泛民修正案被否決,最終又會支持通過網絡 23 條惡法呢?說穿了,是因為他們知道,泛民的修正案既不會有足夠票通過,而最終的整個網絡 23 條又需要自由黨歸隊護航。

 

又係嘅,自由黨背後代表的各個商家,已多次要求盡快通過網絡 23 條,包括 TVB、電訊盈科、時代華納、21 Century Fox 。自由黨唔投贊成,點同商家交代? TVB 將來的壟斷利益,都係睇自由黨頭架!

 

(參考:香港版權大聯盟就《2014年版權(修訂)條例草案》提交的意見書

 

實際上,自由黨只係兩邊押注。他既要讓條例通過,讓 TVB 及唱片公司等媒樂大企業繼續從壟斷得益。另一方面又做到好似企係網民一邊,不致在民意上與建制派及 689 攬住一齊死,正如謝偉俊所說:「又要做婊子,又要拎貞節牌坊」。

 

香港人無理由咁就收貨呀麻?

田北俊你如果真係有心反對網絡 23 條,都應該要做埋以下幾個步驟:

 

1. 游說自由黨 4 票均在最後投反對

2. 游說建制派其他人士加入反對惡法

3. 田北俊自己應該加入拉布行列,日以繼夜發言,以顯誠意

4. 如果自由黨最終 4 票支持政府,田北俊理應退出自由黨。

 

雖然大家都知道田北俊你係做戲,高鐵超支係咁、上星期 TSA 又係咁,但係……

喂,田北俊,精神啲,臨時演員都係演員嚟!

 

聯署反對網絡 23 條(請按此)

 

了解更多

上網就關你事 ! 「網絡 23 條」版權條例(修訂)草案 15 條 FAQ 懶人包|unwire.hk

6條Q&A解疑難|法政匯思

 

相關文章

網絡 23 條,龍門任你擺!|搵錢童子

版權大聯盟支持網絡 23 條 網民:反省下點解無人睇|蔓珠編輯室

網絡 23 條:無得睇同人,等如世界末日!|港腐女學 Funuiology

 

更多資訊,請留意蔓珠 FB 專頁

 

對「喂,田北俊,精神啲,臨時演員都係演員嚟!|小島」的一則回應

留言

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

w

連結到 %s