我係助選團:唔幫手咪即係助紂為虐!|街巷人物

street22

 

我叫媚姐,而家幫緊一個葵青區民主派議員助選。我幫咗佢好多年架喇,因為佢實在人太好,又幫到人。食緊飯都好,一聽到街坊電話即刻趕去。

 

我住咗喺屋邨好多年,好多設施都係佢上任後先至有,以前幾屆都無人做到。好似以前落樓梯無扶手,長者上落好牙煙;仲有啲巴士站上蓋啊、電梯塔,都係佢同我地一齊去唔同部門申訴、請願先至成功。就係嗰次同佢去請願,見到張炳良,我跪咗係地下起唔到身,張炳良都要跟住跪低扶我起身,最後先至落實起電梯塔。你話,以前咁多年邊有人理!

 

以前我身體好啲,只要有時間就一定會幫佢手,逢星期一三五都會幫佢手擺街站,又量血壓又驗血糖咁。點知舊年去完旅行返嚟,條腰骨竟然裂咗,到而家都未好返哂,唯有少啲幫手啦。今個星期投票,我死都死埋呢幾日啦!我而家落街,都會「拍膊頭」叫啲街坊一定要投佢。而家咁多人圍攻佢,唔幫佢手咪即係助紂為虐!

 

坦白講,經過佔中之後,好多街坊都對社會無乜安全感。如果只係對政府無安全感都仲好啲;對整個社會都失去安全感同信心,覺得社會矛盾根本無辦法解決,又唔想街坊之間嘈交,咪減低咗佢地嘅投票意慾囉。無辦法,都要盡力,我都八十歲,見一日得一日啦。

 

今日投票日,大家一定要出嚟投票,選個為市民做事嘅議員!

 

圖、文:蔓珠編輯室

 

更多《街巷人物》區選系列

 

相關文章

給你一個投票的理由|蔓珠編輯室

淡泊地革命,壯烈地耕耘:寫在《我的爸爸參選了》之後|朝雲

我是文青,我參選:西營盤張啟昕|竹子

對撼 Treegun 唔叫勇,我只係補償!漁灣區徐子見|小麗

投票日前夕感言:民間有力量才是王道|戴毅龍

區選的意義:重建政治參與的橋樑|林培元

原來政治係咁黑暗:助選團成員變成非禮犯的自白|特約轉載

有一種候選人 叫戇居|特約轉載

 

更多資訊,請留意蔓珠 FB 專頁

 

留言

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s