葵廣的啟示丨賤人就是矯情

葵廣的啟示updated-01

 

琴日睇到一則新聞,話葵涌廣場三樓賣 $6 芒椰奶西間舖執左,二樓潮流廊都執曬,業主想將成個範圍改得高檔啲。小妹睇到心都碎埋。

 

葵廣一直都係窮人天堂,野食又平又好味,芝士撈、手抓餅、手卷,食到好飽都仲想食。衫褲鞋襪多到令人眼花撩亂,學生妹見到 $50 一條裙,簡直雙眼發光。入咗巷仔行就好似入咗迷宮咁,試過諗住認住間舖頭,轉頭返去買,點知最後搵唔返。雖然係咁,但走入迷宮通常都會搵到特別啲嘅款,所以每次都會冒住迷路嘅風險入去尋寶。讀書時期,放學最開心就係同朋友去葵廣行返轉,瘋狂睇衫同掃街,一次過滿足心靈同肉體需要。

 

MK 以外,葵廣就係另一個見證小妹衣著品味同潮流轉變嘅地方,充滿青春回憶。呢度亦都係香港少數未被大型連鎖店攻陷嘅樂土。依加你同我講葵廣收皮?我接受唔到囉。

 

諗到呢度,小妹不禁慨嘆,喺呢個城市,窮人嘅生存空間越嚟越少。「人類總係要重覆犯錯」,永遠要等失去咗,大家先一窩蜂去懷念昨日美好。其實,政治就係生活嘅一部份,可能你唔想理佢,但對唔住,佢每日都影響緊你。繼續唔理,除咗 $6 芒椰奶西同潮流廊,你將會失去更多。

 

都係嗰句,條路自己揀,仆街唔好喊。有人話小店呢家野,唔提,少啲人知,就保留到。無錯,宣傳葵廣就唔需要啦。但我地要提,係提起班業主有幾仆街,順便提醒佢地,我地唔需要高檔野,「高檔野」呢三隻字難聽過粗口。唔提嘅話,班仆街業主只會繼續肆意地收舖、炒賣、改賣貴野,仲可以光明正大話係市場需要,到時慘慘豬嘅只會係我地自己。

 

#利申唔係宣傳 #我愛廣東話 #幻覺嚟㗎唔好去呀 #只怕會失去最後嘅樂土 #對唔住我太心碎都係決定打呢篇文矯情一下 #葵廣 #潮流廊 #芒椰奶西 #我討厭政治 #好似係

 

繪圖:搵錢童子

 

相關報導:葵涌廣場加租 至Hit芒椰奶西都執笠|蘋果日報

 

更多資訊,請留意蔓珠 FB 專頁

 

留言

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s