LGBT 小教室|港腐女學 Funuiology

LGBT小教室

 

編按:今個星期六就係一年一度嘅同志遊行喇,有請港腐女學為大家講解吓何謂 LGBT!

 

#LGBT 小教室

 

成日見 LGBT,到底佢係代表緊乜?原來佢係代表緊四個英文字頭,講緊兩個唔同概念嘅性小眾:

 

○ LGB 係代表不同性傾向,即是一個人嘅情感喜好嘅對象係咩性別。

 

● L 代表 Lesbian,女同性戀,女性喜歡女性。台灣或中國內地會叫「拉拉」、「拉子」「蕾絲邊」,又即係動漫入面嘅「百合」或者「GL」。

 

○ G 代表 Gay,男同性戀,換言之即係兩個男性互相吸引。Yeah 我地平時睇嘅 BL/薔薇大部份都係講緊 Gay relationship 喇 ❤ ❤ ❤ (點解係「大部份」?一陣講)

 

香港比較少咁用,但外國聽到「Gay」呢隻字,係可以泛指同性戀,包括男同性戀同女同性戀架~

 

不過現實嘅男同性戀同令腐女趨之若騖嘅 BL 又唔完全一樣嘅 😛 除咗冇 BL 漫咁浪漫之外,同埋唔係個個都係美型少年(btw 關於老年男同性戀,推介《男男正傳──香港年長男同志口述史》),仲未必會有特定邊個攻邊個受添!

 

○ B 就係 Bisexual,雙性戀,指一個人可以喜歡男性,都可以喜歡女性。佢同異性戀或同性戀最唔同嘅地方,在於後者都係單一嘅性傾向(即是一定係男/一定係女),而雙性戀就係男女皆可。

 

有另一個好常見嘅字叫 pansexual(泛性戀),概念同雙性戀好似。但雙性戀相對存在「男或女」的性別觀念,至於泛性戀則更著重「鍾意嘅係嗰個人本身」,唔講求性別。

 

另,雙性戀同雙性人係唔同嘢~ 前者係性傾向,後者係同生理特徵相關(下回討論)。

 

● T 係指 Transgender(跨性別),或者我咁理解,但跨越自己嘅生理性別。跨性別廣義嚟講包括易服、變性。呢度唔係講緊性傾向,而係性別認同嘅概念。所謂性別認同就係講緊一個人認為自己係咩性別。一個人可以係生理上生為男性,有男性性器官,但原來心理上佢覺得自己應為女性。一部份跨性別嘅朋友會被診斷為有「性別焦躁」(gender dysphoria),然後可以喺公立醫院做變性手術(又會有一回詳細討論變性)。

 

先前提到大部份 BL 都係講 Gay Relationship,但原來有一部份為歸類為 BL 作品,實際上係以性別認同為題材,例如鄙人至愛嘅《J的故事》系列,還有秀良子的《在宇田川町等我喔》。(其實志村貴子的《放浪息子》也是一套溫柔得不太現實但令人看得很舒服的、以性別認同為題材的作品,不過不是 BL)

 

伸脷:張圖但求得意,無意定型男仔一定要短髮女仔一定要長髮

再伸脷:上為個人理解,有錯請指正

 

#LGBT #loveislove #gay #lesbian #transgender #bisexual #小教室 #knowmore #lovemore

 

港腐女學專欄

港腐女學 FB 專頁

 

更多資訊,請留意蔓珠 FB 專頁

 

留言

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s