其實,每個女仔心目中大概都會有個洪永城|賤人就是矯情

20151026 洪永城 2
Photo Credit:明報

 

睇完 melberry 巴打一篇「我諗每個男人心裡面都有一個黃翠如 」。我想講,其實每個女仔心目中大概都會有個洪永城。

 

人越大越發現成班八婆一齊就好多是非,有時同男仔做朋友簡簡單單仲開心,於是你同佢開始變成特別 friend 嘅兄弟,就好似《我可能不會愛你》嘅李大仁同程又青咁。兩個人出雙入對到身邊嘅朋友都驚訝「下乜你地仲未一齊?」。

 

有一刻你諗過,你地究竟仲係唔係普通朋友咁簡單,但見佢無乜表示。有次傾起擇偶條件,佢嘅理想型同你差十萬九千里咁遠,「溫柔體貼、賢良淑德,最好就識煮野食」。你自問自己十分粗魯,煮野食喎,唔炸爛個廚房都偷笑。的確佢係對你特別好,但都係唔好諗咁多,人地要追就一早追咗。

 

洪永城知道咗你同蕭正楠一齊,一如以往地恥笑你「終於有人要拿?」。不久之後,佢都有個唐詩詠,你個心有小小唔舒服。你開始明白一樣野,呢個人係你心目中總係有一個特別嘅位置,唔能夠被任何人取代。你選擇停留於呢種關係,可能係因為習慣,亦可能係因為唔想失去、唔想受傷。

 

情節嚟到呢度,《我可能不會愛你》嘅李大仁同程又青兜兜轉轉,發現其實自己鍾意對方,最後都係大團圓結局。不過咁戲劇化嘅野就只會喺韓劇、台劇發生,現實又有幾多對李大仁同程又青。有樣野比 friendzone 更加一去無回頭,叫 brotherzone。

 

有人問咁樣算唔算收兵。哈,諗諗下其實佢都幾似你隻兵。但同時你自己都做緊佢隻兵,一句「喂今晚飲酒」就隨傳隨到。呢個時候你會得啖笑,兄弟呢家野你識條毛咩。

 

「我諗每個男人心裡面都有一個黃翠如 」原文

更多資訊,請留意蔓珠 FB 專頁

留言

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

w

連結到 %s