梓望遊記:抱怨前,請欣賞別人的心思|梓望

20151017 抱怨前

 

上回講到梓望喺唔知請唔請到假嘅情況下,搶到平機票。答案係請到!真係令人振奮嘅消息!

 

今次想同大家分享旅行嘅一啲經歷。係呀!梓望轉個頭已經返咗嚟喇,下面件事係發生係回程嘅時間。

 

等了又等,機場廣播響起…

 

「登…登…登…登…」

 

「各位乘客請注意,乘搭 xx 航空,前往 xx 嘅乘客,請到 xx 號閘口登機。」

 

今次梓望坐嘅位係喺機頭,作為既聰明又懶嘅香港人,梓望當然唔會等,第一時間衝去排隊啦,想等到出年佛誕咩…於是係遠處擇左個吉位坐低繼續 loop Facebook。

 

今次梓望搭嘅係香港嘅航空公司,等登機嘅時候,聽到好多廣東話嘅聲音。香港人係「等」嘅時間最鐘意做咩!?咪就係拎住個電手指不斷係個 mon 度滑嚟滑去,一係就同人吹水。所以大家應該都對「吱吱朕」嘅聲都習以為常。

 

你知架啦,一架機咁多人,當然有排等啦,所以航空公司一般都會安排先後次序登機。依個時間,地勤姐姐拎起個牌,上面寫住邊行嘅乘客請登機。如果未到你嗰行,地勤姐姐仲會同你講「唔好意思,未到你呀,你嘅座位是安排在 final call,請稍等。」咁嘅服務我覺得 Excellent 啦!

 

按:梓望今次去日本,地勤係 ANA 全日空,唔知係咪因為咁嘅關係係…=p

 

正當梓望 loop 緊 Facebook,咬緊個三文治;其他乘客排緊隊陸續登機嘅時候,喺遠處有一位婦人發出震撼性嘅聲音…

 

婦人:「有冇搞錯呀」(已取得其他排隊嘅乘客關注)

婦人:「乜你地咁安排架…我要等到幾時呀?」

地勤姐姐:(沒回應,但保持笑容)

婦人:「喂!你聽唔明就唔洗理我架喇?」

地勤姐姐:(沒回應,但保持笑容)

婦人的友人:「人地有安排架喇…」

婦人 :「咁係吖嘛!安排唔合理吖嘛…」

 

其實想登機排隊都唔洗等嘅,下次可以選擇包機。梓望知道一般香港人應該負擔唔起,咁不如又睇下點樣可以優先登機。

 

  1. 行動不便
  2. 孕婦
  3. 身體不適
  4. 尊貴客人

 

(梓望唔係咁熟依方面,唔知有冇讀者指正吓呢 =P)

 

既然又唔係上述嘅人士,何不花點時候等一等,好好欣賞別人的心思呢…!?

 

嗱,你諗吓,如果冇分前後次序,當有個乘客係前座嘅,上左機企喺走廊到放緊佢件行李上行李架,咪 block 住條走廊,後面嘅乘客咪有排等…其實咁嘅安排無非都係唔想 Jam 死條走廊…

 

其實做地勤、空姐空少 EQ 都要幾高,面對奇難雜症,仲有要求極高嘅乘客。

 

生活在此間,好好欣賞別人的心思。自己心情又好啲,人地又開心啲。

 

更多資訊,請留意蔓珠 FB 專頁

 

留言

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

w

連結到 %s