【又係港鐵】音樂系學生攜大提琴超長 4cm 港鐵發警告信

20150923 大提琴超長

 

【新聞】一名浸大音樂系同學攜帶大提琴,由大圍港鐵站上車,於九龍塘站一落車,便遭兩個職員截停,同學被帶到房內量度大提琴高度,發現大提琴高 134cm,超過港鐵標準的 130cm 約 4cm。港鐵職員向學生發出警告信。學生指港鐵職員稱,如果學生再犯,港鐵法律部再發警告信的話,就會控告事主,由法庭決定罰款額。

 

該名同學指,「我都唔怪啲職員,佢地都係跟條例做事,所以問題係個條例一刀切了個行李 size,應該將行李再分為貨物或用品,用品如樂器應有通融,依家佢根據條例話拎大提琴點都唔可以搭地鐵好唔合理,最少也應設行李票。」

 

同學記述事發經過和感受:

 

「我剛剛是由大圍搭港鐵去九龍灣準備出席樂團排練。我一上到大圍火車站月台時,留意到有便衣衝去平時喺月台舉『不要衝月台』牌的職員身旁,show 了職員證俾佢睇,個職員就走開了,然後個便衣就行近我,距離一個車門位。一齊上咗車後,去九龍塘途中,個便衣都保持住一個車門距離,車箱就載滿乘客,一落車後就見到月台已經有兩個職員等我,話有人投訴我件行李過大,要即場量。

 

我回頭已經見唔到個便衣,佢地都量咗我件行李係過咗 130cm,途中有個中年女士見到我俾人捉佢就立即同職員講另一邊都有個人件行李好大,話點解佢地又唔捉,於是其中一個就去了跟進;餘下個女職員是清楚呢個係 cello,佢就請我去月台一間休息室到等候出警告信,我問我能否直接出閘算數,佢話唔得一定要出警告信,等了 5 分鐘,一個職員就再量一次,證實係 134cm 高,高過規定的 130cm。

 

於是我就問佢我需要去九龍灣練樂團,我無錢搭的士,又沒有巴士,只有地鐵是直達,我就問佢我可以點,佢話呢個交通問題係你自己安排,依家你行李過長就一定不能搭地鐵,以後都不能拎住佢搭地鐵,佢俾左份警告信我後就叫一個職員送我出閘。

 

我喺火車嗰邊俾佢送出閘,然後喺 BU 地鐵口嗰邊入返,搭地鐵去九龍灣。

 

之前古箏係大圍,上星期紅磡有個 cello 俾人捉,有個 cello 老師的學生都俾人捉過,我又係大圍俾人捉,全部東鐵線。

 

我都唔怪啲職員,佢地都係跟條例做事,所以問題係個條例一刀切了個行李 size,應該將行李再分為貨物或用品,用品如樂器應有通融,依家佢根據條例話拎大提琴點都唔可以搭地鐵好唔合理,最少也應設行李票。」

 

常有人說香港是文化沙漠,只怕不是熱愛藝文的人不夠,而是我們的集體交通工具,連一個大提琴都容不下。難道要有錢搭的士,才可以玩音樂?

 

更多資訊請留意蔓珠 FB 專頁

 

留言

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s