閒畫札記 006:巷仔尋寶:翁記車仔麵|Steven Ng

006 火井翁記

 

「西營盤(按:應為石塘咀)火井的翁記,按地址也不易找,在手機的 google map 協助之下,穿過屈地街機鋪隔籬的冷巷,見到掛住石塘咀燈籠的寺廟,似曾相識的畫面,原來是電影《千杯不醉》的實景街道。循着飄香的滷水氣味,終於找到了近半世紀歷史的車仔麵。

 

裝修和價錢依然停留在那些年的翁記,由祖籍潮安的翁生,在火井還屬於私家街的年代創立。從當年一條擔挑挑着兩個各重六十五斤的炭爐在街邊賣麵,翁氏夫婦至今對煮麵的認真和熱誠仍然未變。不變的還有用足心機,把切得幼細的京葱絲,慢火油泡三粒半鐘的招牌葱油,為每一碗熱辣辣的粉麵,增添銷魂香氣。

 

三頭六臂的翁太,深信忙亂有差錯,所以堅持慢工出細貨。不假外求的牛肉丸,多年來堅持自家製造,細細粒容易食,彈性足夠而且肉味濃厚。飲完唔口渴的湯底,當然沒有神憎鬼厭的人工雞汁,只用大量豬骨和心機時間去煲,用來灼新鮮的豬粉腸,酥香軟糯,肉汁勁多,未食完已經大叫 encore。」--半世紀歷史車仔麵 翁記

 

 

今日淨係想提筆畫吓野,所以文字呢會 QUOTE 咗一個 BLOG 的介紹,我都係只想畫下其中一間好喜歡的尋常小店,翁記麵檔。每次幫襯都會見到年逾六十的老板娘--翁太總是笑面迎人,充滿活力又親力親為--點菜,落單,準備食物,招呼客人,摩打手般快手快腳,總能悉心顧及每位街坊食客要求。

 

夏天熱辣辣,無冷氣的小店都人頭湧湧,食到汗流浹背水都繼續去?真係趁墟麼?

 

說到食物質素,真不用多講,新鮮足料街坊價是吸引人去試第一次的原因;而令人一去再去的,可說是只可堂食享用的「非賣品」--自家製辣椒油了!吓有幾正?我真詞窮不懂形容,總之食完返唔到轉頭咁囉 🙂

 

Steven Ng《閒畫札記》專欄

留言

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

w

連結到 %s