希望小小嘅嘗試能夠建立社區關係|街巷人物

Jess
Jess

 

我叫 Jess,做設計嘅。我每個月都會同啲手作人同農夫搞一次墟巿,叫做 Mamasmart。個名係語帶雙關,既係 Mama Smart,亦係 Mama’s Mart。即係以媽媽嘅作為主題,強調啲作品都係好似媽媽雙手整出黎嘅野咁,溫暖而美好,而且亦有安全同埋環保嘅感覺。

 

個墟係舊年九月同一批想法相近既朋友一齊搞到依家既,之前一直都係响科學園搞,今次係第一次過黎港島擺。因為咁啱有朋友接手咗間老店,保留咗大部份舊裝飾開咗呢間叫「遊誤工房」既 studio,我見有機會又幾得意,就過咗嚟擺。

 

搞呢個墟既原意,係覺得依家好多社會問題其實都係人同人之間缺乏溝通引起,我地希望透過呢種小小嘅嘗試能夠建立社區關係。所以每次擺墟我地都希望會有音樂,亦希望可以做一啲同當區有關既事,帶動社區氣氛。

 

我間設計公司嘅名叫「田和設計」,亦都係想帶出呢種「田地」同「設計」既直接關係。我覺得依家既設計有時會好離地,而田地作為人類生活同文明既基礎,本來就應該係設計嘅起點。

 

希望我既墟巿同設計可以對社區關係嘅營造起一啲作用。

 

 

圖、文:蔓珠編輯室

留言

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

w

連結到 %s