東北村民,我會陪住你地一齊!|街巷人物

20150824 封鎖恆基 2

 

我叫 Jennifer,今年 20 歲,做理貨員嘅。我企咗响呢度超過兩個鐘喇,尋日已經有朋友同我講今日新界東北有行動,今日我見搞到好大件事咁,放咗工咪過嚟睇吓。舊年我都有去佢地逢星期五嘅集會。

 

嚟到時見個女仔想搬塊布出嚟坐低,保安即刻搶咗佢啲野,就入咗去幫佢囉。見到啲保安夾硬黎梗係唔順氣架啦!佢地只係擺塊布响度啫,又無阻住人,點解要咁樣?

 

新界東北呢件事,我覺得政府唔使做到咁盡,成日俾好多藉口,根本只係想幫自己同啲地產商賺錢。其實佢地本身都咁多錢,點解仲要壓逼啲窮人。窮人好多人已經要返兩份工先夠生存,點解地産商仲要咁貪心咁唔知足、政府仲要幫佢地?政府嘅責任應該係令人安居樂業,但係佢地依家唔係咁,係偏幫啲大財團。

 

我反對呢個規劃係因為佢根本唔合理,得 6% 係用嚟起公屋,幫到嘅人好少,但係就要趕走哂原本住呢度嘅人,令佢地失去家園,根本幫唔到件事。 好多人唔知道唔明白,所以我覺得我要走出嚟。我覺得即使唔係住東北都應該關心,唔應該縱容呢啲欺壓行為。

 

東北村民,我會陪住你地一齊!

 

更多關於反東北規劃封鎖恆基總部行動:

東北村民要加油!|街巷人物

 

圖、文:蔓珠編輯室

留言

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s