致新鮮人(一):Ocamp,去?唔去?|羊仔

致新鮮人(一)

 

大學就是選擇。從前中學,全世界目標都直指大學,彷彿升讀大學就是唯一的出路,自然沒有煩惱,只有勞苦。然而,終於得到讀大學的機會了,迎面而來的,就是一片自由的平原,無止境的抉擇:揀上莊,揀住 Hall,揀讀咩科,揀朋友,揀 Intern,揀揀揀……每一個環節都有得揀,結果又唔識揀,唔敢揀。

 

每個選擇都環環相扣,時間一天只有廿四小時,大學只有四年,做了一些,就沒做另一些。最困擾是,作出抉擇前,我們永遠不知道抉擇後的真正後果。敢問誰沒有為此懊惱過、折磨過?

 

10/8 JUPAS 放榜,第一個虛無飄渺的抉擇已經過去。我們大學四年的框架,乃至一生的知識專業,已經傾注於此生命中不能承擔的輕率之賭博上。你卻沒有停下來的理由,迎面而來是你第二個選擇:去唔去 Ocamp?

 

大學生活並不是一條直線一個方向,而是一個接一個的十字路口,一次又一次編織自己 U-Life 的抉擇。玩唔玩Ocamp?單從四日三夜的內容看,Ocamp 大致上都以『玩』為主軸。人人都鍾意玩,但至於點玩法,Ocamp 的「玩」就唔係個個岩玩:自 high 自娛,到處識人,捱夜揭私人,食花生……覺得Ocamp活動內容無稽者,比比皆是。

 

但從博奕論看,Ocamp 是必須參加的。

 

唔去!省來幾天時間,對大學生仍存有幻想。省下不少但一定不多的八百蚊。平平穩穩等開學,卻在課堂上看見一組一組一早已認識的朋友,他們坐成一排,你無孔可入。落堂他們一起食飯,分組project他們自成一派。關於大學既所有疑問,你可以找誰問?重要的是,朋友好多時都係人搭人認識的,沒有第一個,就沒有整個。

 

另外,大學第一年,有些機會錯失了就蘇州過後,而 Ocamp 的人脈可以幫你把握機會。上莊並一切迎新活動,一覺唔覺意你可能會 miss 左,盡管好多時好多活動好多機會你都不屑一顧,毫無興趣,但至少,你知道機會的存在,你選擇了你的選擇。沒有 Ocamp 的人脈和資訊,你的選擇從一開始,就少了。

 

去!最差都只係付出八百蚊,四日時間,一班或者沒深度沒深交的朋友,辛苦下,迎合下。但至少開學後所有問題都可以請教學姐學兄,上課食飯可以至少有同學一齊坐,人唔夾,你亦可以選擇唔埋堆。離隊潛水總比埋堆容易。而且,或者就在誤打誤撞,你會遇上一生一世的朋友。

 

因此,從成本風險評估,Ocamp 是應該去的,不管其內容有時是多麼無稽。記住,活動只是載體,只是工具,老子言「大音希聲,大象無形」,別拘泥於載體,你真正要得到的,是活動過後的人脈和資訊,這是為你踏出一種屬於自己大學生活的自由足印。

 

留言

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

w

連結到 %s